Ռուսաստանի արտգործնախարարությունը հայտարարել է Ճապոնիայի ինը քաղաքացիների մուտքի անհապաղ արգելքի մասին, նրանց թվում է երկրի արտգործնախարար Տակեշի Իվայան։
«Կապված հատուկ ռազմական գործողության հետ՝ մեր երկրի նկատմամբ պաշտոնական Տոկիոյի, այսպես կոչված, պատժամիջոցային քաղաքականության շարունակմանը ի պատասխան՝ Ռուսաստանի Դաշնություն մուտքի մշտական արգելք սահմանելու մասին որոշում է կայացվել»,- ասվում է հայտարարության մեջ։
Ցուցակում ընդգրկված են նաեւ Ուկրաինայում Ճապոնիայի դեսպան Մասաշի Նակագոմեն, Ուկրաինայում նախկին դեսպան Կունինորի Մացուդան, Ճապոնիայի միջազգային համագործակցության գործակալության (JICA) ավագ փոխնախագահ Շոհեյ Հարան, Ուկրաինայում JICA-ի գրասենյակի ղեկավար Հիդեկի Մացունագան, ինչպես նաեւ IHI Corporation, Isuzu Motornedy, Pro Cybernedy եւ Isuzu Motors Limited-ի նախագահները:
Ճապոնիան Ռուսաստանի նկատմամբ Արեւմուտքի սահմանած պատժամիջոցներին միացավ 2014 թվականին՝ Ղրիմի բռնակցումից հետո: 2022 թվականին, երբ ռուսական զորքերը ներխուժեցին Ուկրաինայի տարածք, պատժամիջոցները խստացվեցին, իսկ որոշ ժամանակ անց ընդլայնվեցին։