«Աննկարագրելի կորստի ստվերի ներքո հայ ժողովուրդը դիմացել եւ հաղթանակ է տարել»։ Այդ մասին X-ի էջում գրել է ԱՄՆ պետքարտուղար Մարկո Ռուբիոն Հայոց ցեղասպանության 110-րդ տարելիցի կապակցությամբ
Ինչպես երեկ՝ Հայոց ցեղասպանությանն առնչությամբ ուղերձում ԱՄՆ նախագահ Դոնալդ Թրամփն էր «ցեղասպանության» փոխարեն օգտագործել «Մեծ եղեռն» (Meds Yeghern) եզրույթը, այնպես այսօր նույնը գրառման մեջ արել էր Ռուբիոն։
«Այսօր Մեծ եղեռնը հիշում ենք ոչ միայն սգով, այլեւ վճռականությամբ։ Հարգելով անցյալը՝ ակնկալում ենք աշխատել Հայաստանի եւ տարածաշրջանի համար կայուն խաղաղության, բարգավաճման եւ անվտանգության ուղղությամբ»,- գրել է ԱՄՆ պետքարտուղարը։
Under the shadow of unspeakable loss, the Armenian people have endured and prevailed.
Today, we remember the Meds Yeghern not just in mourning, but with resolve.
We honor the past and look forward to working towards enduring peace, prosperity, and security for Armenia and the…
— Secretary Marco Rubio (@SecRubio) April 24, 2025
Հիշեցնենք, որ ԱՄՆ-ը թե՛ նախագահի, թե՛ Կոնգրեսի մակարդակներով պաշտոնապես ճանաչել է Հայոց ցեղասպանությունը, ԱՄՆ 46-րդ նախագահ Ջո Բայդենը 2021 թվականից սկսած իր Հայոց ցեղասպանության վերաբերյալ ուղերձներում գործածել է հենց «ցեղասպանության» եզրույթը: