Իրանի հարավային Բենդեր-Աբբաս քաղաքի մոտ գտնվող Շահիդ-Ռաջայի նավահանգստում տեղի ունեցած հզոր պայթյունի հետեւանքով զոհվել է չորս մարդ, վիրավորվել՝ 516-ը։ Գրում է Tasnim գործակալությունը։
Լրատվականի փոխանցմամբ՝ պայթյունի ալիքը այնքան ուժգին է եղել, որ լուրջ վնաս է հասցրել նավահանգստի շինությունների մեծամասնությանը եւ այնտեղ կայանված ավտոմեքենաներին։
Footage shows the moment a powerful blast struck Iran’s Shahid Rajaee port in Bandar Abbas.
Follow our live blog for the latest updates on the explosion at Iran’s southern port:https://t.co/oNw2zJ2IAl pic.twitter.com/TguPLizIbB
— Iran International English (@IranIntl_En) April 26, 2025
Դեպքի պատճառի մասին առայժմ հստակ տեղեկություններ չկան։ Tasnim-ի փոխանցմամբ` անհայտ պատճառներով վառելիքի բաք է պայթել։ Reuters գործակալությունն էլ, հղում կատարելով տեղական իշխանություններին, գրել է, որ նավահանգստում պայթել են մի քանի կոնտեյներներ։
Նավահանգստի աշխատանքը ժամանակավորապես դադարեցվել է։ Տեղի մաքսատնից հայտնել են, որ պայթյունի վայրում հայտնաբերվել են «վտանգավոր բեռներ եւ քիմիական նյութեր»։ Պետական լրատվամիջոցները պնդում են, որ պայթյունի պատճառը եղել է «հրավտանգ նյութերի հետ անփույթ վերաբերմունքը»։