Ֆրանսիայի նախագահ Էմանուել Մակրոնը հայտարարել է, որ Ուկրաինայի արևմտյան դաշնակիցները նախատեսում են առաջիկա օրերին ուժեղացնել Ռուսաստանի վրա գործադրվող ճնշումը Մոսկվայից հրադադարի ուղղությամբ կատարվող քայլեր տեսնելու ակնկալիքով:
Paris Match պարբերականի տված հարցազրույցի ընթացքում Մակրոնը հույս է հայտնել, որ կողմերը այժմ կարող են շատ մոտ լինել հրադադարին, սակայն ընդգծել է, որ անհրաժեշտ է «պահպանել զգուշություն», քանի որ «հավասարակշռության մի մասը» կախված է Մոսկվայից:
«Առաջիկա ութից տասը օրվա ընթացքում մենք ուժեղացնելու ենք ճնշումը Կրեմլի վրա։ […] Սխալ է, որ ճնշումը գործադրվի միայն Ուկրաինայի վրա»,- նշել է նա:
Ֆրանսիայի նախագահը միեւնույն ժամանակ չի հստակեցրել, թե ինչ ճնշումների մասին է խոսքը։