Ըստ «Ազատություն» ռադիոկայանի՝ Ադրբեջանի ԱԳՆ-ն մտահոգիչ է համարել, որ «որ 30 տարի Ադրբեջանի տարածքների գրավման, մեկ միլիոն փախստականների եւ հարկադիր տեղահանվածների մարդու իրավունքների ոտնահարման վրա աչք փակած ՄԱԿ-ի հատուկ զեկուցողներն ու փորձագետները, խաբվելով ու ենթարկվելով Հայաստանի մանիպուլյացիաներին՝ հանդես են գալիս կողմնակալ հայտարարություններով»։
Ադրբեջանի արտաքին քաղաքական գերատեսչությունում միաժամանակ «անընդունելի» են համարել, որ «նշված անձինք» անհարգալից վերաբերմունք են դրսեւորել Ադրբեջանի ինքնիշխանության եւ տարածքային ամբողջականության նկատմամբ: Մասնավորապես, նշվել է, որ «այդ հայտարարություններում օգտագործվել է «Լեռնային Ղարաբաղ» եզրույթը», ինչը գնահատվել է «երկակի մոտեցում եւ միջամտություն Ադրբեջանի ներքին գործերին»: