Արցախի ՆԳՆ արտակարգ իրավիճակների պետական ծառայության մամուլի քարտուղար Հունան Թադեւոսյանը հայտնել է, որ մայիսի 4-ից Ադրբեջանի զինված ուժերի վերահսկողության տակ անցած տարածքներում անորոշ ժամանակով դադարեցվել են Արցախյան հակամարտության գոտում զոհվածների աճյունների որոնումները:
Ըստ Sputnik Արմենիայի՝ Թադեւոսյանը պսարզաբանել է, որ պատճառը ուղեկցորդի բացակայությունն է: Հենց որ տեղանքին լավ ծանոթ մարդ գտնվի, որոնողական աշխատանքները կվերսկսվեն։
Մոտակա ժամանակներս նախատեսվում է որոնումներ իրականացնել Վարանդայում (Ֆիզուլի), Ջրականում (Ջաբրայիլ), Հադրութում եւ Որոտանում։
Ադրբեջանի վերահսկողության տակ անցած տարածքներում զինադադարի հաստատումից հետո սկսված որոնումների ամբողջ ընթացքում հայտնաբերվել կամ հայկական կողմին են հանձնվել ինչպես մարտական գործողությունների մասնակիցների, այնպես էլ քաղաքացիական անձանց ընդհանուր առմամբ 1553 աճյուն եւ մարմին։