Իրանի նախկին նախագահ Հասան Ռուհանիի նախկին խորհրդական Հեսամոդին Աշենան Իրանի իշխանություններին կոչ է արել ուղիղ բանակցություններ սկսել Վաշինգտոնի հետ:
Իր X-ի էջում նա գրել է. «Հիմա հենց այդպիսի երկխոսության համար ամենահարմար ժամանակն է: Եթե որեւէ մեկը մտածում է, թե բանակցությունները պետք է ընթանան ուժի դիրքերից, հիմա դրա ժամանա՞կն է»:
Հեսամոդին Աշենայի այս կոչը հնչել է այն բանից հետո, երբ Հորդանանում անօդաչուների գրոհով սպանվեց ամերիկյան երեք զինծառայող, որին հաջորդեց Վաշինգտոնի կոշտ սպառնալիքը, թե դրա հեղինակներն արժանի պատասխան կստանան: Իր հերթին Իրանը հերքել է իր մասնակցությունն այդ գրոհին: