Վրաստանի նախագահ Միխայիլ Կավելաշվիլին ապրիլի կեսերին կայցելի Ադրբեջան, ապա՝ Հայաստան: Սպասվող այցերի մասին տեղեկությունը տարածել է նրա միջազգային հարաբերությունների հարցերով խորհրդական Լուկա Էխվայան:
Նրա փոխանցմամբ՝ Կավելաշվիլիի առաջին արտասահմանյան այցը Ադրբեջան կկայանա ապրիլի 14-15-ին:
«Այնուհետեւ՝ Հայաստան, ենթադրաբար՝ ամսվա վերջին: Ժամկետները դեռեւս որոշված չեն»,- ասել է նա:
Վրաստանի վարչապետ Իրակլի Կոբախիձեն 2024 թվականի ընտրություններից հետո արդեն երկու անգամ այցելել է Հայաստան եւ Ադրբեջան: Մարտի 20-ին նա Երեւանում ներկա է եղել Հայաստանի եւ Վրաստանի ֆուտբոլի հավաքականների խաղին: