ԱՄՆ նախագահ Դոնալդ Թրամփը գրեթե լիովին վստահ է, որ իր վարչակազմը կկարողանա համաձայնության գալ Իրանի հետ Իսլամական Հանրապետության միջուկային ծրագրի վերաբերյալ։ Այդ մասին նա հայտարարել է Մորիսթաուն օդանավակայանում (Նյու Ջերսի) լրագրողների հետ զրույցի ժամանակ։
«Ինչ վերաբերում է Իրանի հետ կապված իրավիճակին, կարծում եմ՝ մեզ համար ամեն ինչ շատ լավ է ընթանում։ Կարծում եմ, որ համաձայնության կարելի է հասնել։ Դա տեղի կունենա, գրեթե վստահ եմ, որ դա տեղի կունենա»,- հայտարարել է ԱՄՆ նախագահը։
Թրամփը նաեւ նշել է, որ կողմերը «ինչ որ բան կունենան», եւ ԱՄՆ-ը «ստիպված չի լինի ամեն ինչ ռմբակոծել»։