Ըստ ռուսական «ՌԻԱ Նովոստի» գործակալության՝ ՌԴ կառավարությունը Պետդումա օրինագիծ է ներկայացրել, որով առաջարկվում է առանց այցագրի Ռուսաստան ժամանող աշխատանքային միգրանտներին պարտադրել կենսաչափական տվյալներ հանձնել եւ բուժզննում անցնել:
Օտարերկրյա մի շարք քաղաքացիներ, որոնց մեջ մեծ թիվ են կազմում ԵՏՄ անդամ երկրների քաղաքացիները, կարող են երկար ժամանակ ՌԴ տարածքում գտնվել առանց դակտիլոսկոպիկ գրանցման եւ բուժզննման: 2020-ի մարտի 1-ի դրությամբ նրանց թիվը երկրում եղել է շուրջ 2,5 միլիոն:
Պարտադիր պետական դակտիլոսկոպիկ գրանցումը եւ օտարերկրյա քաղաքացիների լուսանկարումը նախատեսվում է անցկացնել մեկ անգամ: