ԱԺ-ում վարչապետ Փաշինյանն ասել է, որ եթե խորհրդարանական ընդդիմության գործընկերներն ընդունեն արտահերթ խորհրդարանական ընտրություններ անցկացնելու առաջարկը, համաձայնեցված ժամկետներում կունենանք ընտրություններ։
Փաշինյանը հայտնել է, որ արտահերթ ընտրություններ անցկացնելու պայմանավորվածություն ձեռք բերելու վերաբերյալ արդեն հանդիպման հրավեր է ուղարկել խորհրդարանական ընդդիմության ղեկավարներին։
Նրա խոսքով` կառավարությունը պետք է լինի ազատ, արդար եւ օրինական ընտրությունների անցկացման երաշխավորը։
Անդրադառնալով կիսանախագահական կառավարման անցնելու իր հայտարարությանը` Փաշինյանը նշել է, թե այդ հարցն առաջ բերելիս որեւէ կոնկրետ բովանդակություն նկատի չի ունեցել։
«Ես նկատի եմ ունեցել, որ կա իրավիճակ, եւ Սահմանադրության գործունակության վերաբերյալ էլ հարցեր կան, ուրեմն եկեք եւս մեկ անգամ անդրադառնանք այդ հարցին»,- ասել է Փաշինյանը։