Հուլիսի 8-ին «Գաֆեսճյան» արվեստի կենտրոնում կբացվի «Առկախված այգի. Դադիվանք եւ անդին» ցուցադրությունը։ Դա AHA collective-ի նախագիծն է, որը ներկայացնում է 2020 թվականի 44-օրյա պատերազմից հետո Դադիվանքում մի խումբ արվեստագետների արած տեղահատուկ դրոշմները։
«Առկախված այգի. Դադիվանք եւ անդին» նախագիծը եռամաս ցուցադրություն է՝ տարածված երեք սրահում։ «Սասունցի Դավիթ» պարտեզի սրահում ներկայացված է դրոշմների ինստալացիան՝ որպես Դադիվանքի ուխտագնացության վկայություն-մասունք։
«Արծիվ» սրահում տարբեր տեխնիկաներով արված աշխատանքները ներկայացնում են պատերազմի վերքերը, փլուզումներն ու ջնջումները: «Պատկերասրահ Մեկ»-ում ցուցադրվում է կարճամետրաժ ֆիլմ։
AHA collective նախագծի համադրողը Նայիրի Խաչատուրեանն է։ Ներգրավված են արվեստագետներ Սարգիս Անտոնյանը, Վահրամ Գալստյանը, Անուշ Ղուկասյանը, Մայդա Շավակը, գրողներ ու հետազոտողներ Տիգրան Ամիրյանը, Նազարեթ Կարոյանը, Անահիտ Հայրապետյանը, Կլոդ Մութաֆյանը։
Ցուցադրությունը բաց կլինի մինչեւ սեպտեմբերի 4-ը։