Ռումինիայի պաշտպանության նախարարությունից հայտնել են, որ Ադրբեջանի ռազմածովային ուժերի ստորաբաժանումները մասնակցում են Ռումինիայում անցկացվող զորավարժություններին։
Ռումինիայի Կոնստանցա քաղաքում վարժանքների ընթացքում մշակվում են հակաականային միջոցառումներ, կատարվում են սուզվելու վարժանքներ։ Զորավարժություններն անցկացվում են ամեն տարի Միացյալ Նահանգների հետ Եվրասիական գործընկերության ծրագրի շրջանակում։
Զորավարժությունների հիմնական նպատակը գործընկերների հետ ականազերծման տեխնիկայի, ծովային անվտանգության գործողությունների եւ ենթակառուցվածքների պաշտպանության, ինչպես նաեւ մասնագիտական հարաբերությունների ձեւավորման վերաբերյալ փորձի քննարկումն ու փոխանակումն են: