Ըստ բելառուսական «Բելտա» գործակալության՝ Բելառուսի նախագահ Ալեքսանդր Լուկաշենկոն հայտարարել է, որ ՌԴ նախագահ Վլադիմիր Պուտինի հետ պայմանավորվել է տարածաշրջանային համատեղ զորախումբ տեղակայելու մասին, զորախմբի ձեւավորումն արդեն երկու օր է, ինչ սկսվել է։ Նա հավելել է, որ միութենական պետության արեւմտյան սահմաններին իրավիճակի սրացման առնչությամբ պայմանավորվածություն են ձեռք բերել երկու երկրների տարածաշրջանային զորախումբ տեղակայելու մասին, ինչն ամրագրված է փաստաթղթերում։
«Եթե սպառնալիքը հասնում է ներկայիս մակարդակի, մենք պետք է գործարկենք Միութենական պետության խմբավորումը»,–նշել է Լուկաշենկոն։
Լուկաշենկոն հայտարարել է նաեւ, որ որ ոչ պաշտոնական ալիքներով Մինսկին նախազգուշացրել են, որ Ուկրաինայի տարածքից մտադիր են Բելառուսին հարված հասցնել, եւ նա հանձնարարել է Կիեւին փոխանցել, որ պատասխանը կոշտ է լինելու։
«Մենք պետք է որոշենք, թե ուրիշ ինչ է պետք ձեռնարկել մեր պետության անվտանգությունն ամրապնդելու համար՝ հաշվի առնելով արագ փոփոխվող իրավիճակը»,– ասել է Բելառուսի նախագահը։
Նրա կարծիքով` Բելառուսի դեմ ուկրաինական կողմից ճակատի բացումը խելահեղություն է ռազմական տեսանկյունից, սակայն գործընթացը սկսվել է։