Երեկ գիշեր Ստեփանակերտից Գորիս ճանապարհին ադրբեջանցիները քարեր են նետել զոհված զինծայողների մարմինները տեղափոխող մեքենայի վրա, ջարդել ապակիները։ Դեպքի մասին Ֆեյսբուքի իր էջում գրել է Գորիսի փոխքաղաքապետ Իրինա Յոլյանը:
«Վարորդը պատմում է, որ Ստեփանակերտից գիշերն է դուրս եկել, դեպի Գորիս ճանապարհվել, թանձր մառախուղ է եղել, զգացել է, որ մեքենային քարերով հարվածում են։ Դեպքը տեղի է ունեցել գիշերը, ժամը 01։30-ին։ Վարորդը կանգ չի առել, շարունակել է վարել, Գորիս է հասցրել զոհվածների մարմինները։ Սրանք փաստեր են թշնամու ագրեսիվ վարքի մասին, որոնք պետք է արձանագրվեն եւ միջոցներ ձեռնարկվեն։ Խաղաղ բնակչի անվտանգ տեղաշարժի իրավունքը ի վերջո ո՞վ պետք է վերջապես երաշախավորի»,- նշել է Գորիսի փոխքաղաքապետը։