Շրջիկ առեւտրի կետերն այս տարվանից կգործեն միայն քաղաքապետարանի թույլտվությամբ:
Երեւանի քաղաքապետարանը մանրամասնել է, որ շրջիկ առեւտրի կետերը պետք է ապահովված լինեն ապրանքների պահպանման եւ մանրածախ առեւտրի, ինչպես նաեւ ծառայությունների մատուցման համար համապատասխան սարքավորումներով:
Տեղերը հատկացվել են հիմնականում բուհերի, մարդաշտ վայրերի եւ կայարանների հարեւանությամբ: Առեւտրի շրջիկ կետերը կգործեն օրական 14 ժամից ոչ ավելի՝ մինչեւ ժամը 23:00-ն։ Չափորոշիչները չպահպանող կամ առանց թույլտվության գործունեություն ծավալող տնտեսվարողները կտուգանվեն առաջին անգամ՝ 100 հազար, կրկնելու դեպքում՝ 500 հազար դրամով: