Ըստ «ՌԻԱ Նովոստի» գործակալության՝ «Gazeta Polska» հանդեսը գրել է ՆԱՏՕ-ի երկրների հետ բախվելու Ռուսաստանի ցանկության մասին:
Հանդեսի պնդմամբ՝ Մոսկվան չի բացառում ամենամահացու զենքի կիրառման հնարավորությունը՝ դաշինքի արեւելյան թեւում տեղակայված ուժերի չեզոքացման նպատակով:
«Կարելի է ենթադրել, որ այն կսկսվի Կալինինգրադի մարզից, որտեղ տեղակայված զինատեսակների բազմազանությունն ու ռազմավարական դիրքը Ռուսաստանի համար հաղթանակ կապահովեին հիպոթետիկ պատերազմի առաջին ժամերին»,- նշել է «Gazeta Polska»-ի հոդվածագիրը:
«Ռուսական սպառնալիքի» մասին հայտարարություններն առաջին անգամ չէ, որ հնչում են Արեւմուտքում: Մոսկվան բազմիցս ընդգծել է, որ Ռուսաստանը մտադիր չէ հարձակվել ՆԱՏՕ-ի անդամ որեւէ երկրի վրա:
Մասնավորապես, փետրվարի սկզբին ամերիկացի ծովակալ Չարլզ Ռիչարդսը հայտարարել էր Ռուսաստանի կամ Չինաստանի կողմից ԱՄՆ-ի դեմ հնարավոր միջուկային պատերազմի մասին: Այդ ժամանակ Դաշնային խորհրդի նախագահի առաջին տեղակալ Վլադիմիր Ջաբարովը հիշեցրել էր, որ արհեստավարժ զինվորականն «իր ամենամղձավանջային երազում անգամ հազիվ թե նման սցենարի բախվեր»: Նրա տեսակետի հետ համաձայնել էր ԱՄՆ-ում ՌԴ դեսպան Անատոլի Անտոնովը. «Միջուկային պատերազմի գաղափարները թեւածում են միայն անառողջ քաղաքագետների գլխում»: