Շիրակցի գերիների հարազատները փակել են Շիրակի մարզպետարանի մուտքը՝ առանց աշխատակիցների տեղաշարժն արգելելու՝ պահանջելով հստակ պատասխան, թե երբ են իրենց զավակները վերադարձվելու Հայաստան:
Ծնողները նշում են, որ իրենց մինչ այս պահը հստակ պատասխան չեն տվել, միայն հորդորել են համբերել ու սպասել, սակայն այլեւս չեն համբերում:
Նրանք վստահեցնում են՝ իրենց ակցիաները ոչ մի քաղաքական պահանջ ու ենթատեքստ չունեն, միայն պահանջում են որդիների վերադարձը:
Անդրադառնալով ՀՀ վարչապետի հետ օրեր առաջ Գյումրիում կայացած հանդիպմանը՝ ծնողները նշեցին, որ դեռեւս իրենց հարցերին պատասխաններ չեն տրվել, եւ կրկին հանդիպում են ակնկալում վարչապետի հետ: