Հայաստանի հունահռոմեական ոճի ըմբշամարտի հավաքականը եւս երկու մեդալ է նվաճել Եվրոպայի առաջնությունում:
Հունգարիայի մայրաքաղաք Բուդապեշտում ընթացող Եվրոպայի առաջնության 60 կգ քաշային կարգի բրոնզե մեդալի համար գոտեմարտում Գեւորգ Ղարիբյանը մրցել է հունգար Էրիկ Տորբայի հետ ու հաղթել 5:1 հաշվով եւ դարձել Եվրոպայի առաջնության երրորդ մրցանակակիր:
67 կգ քաշային կարգի բրոնզե մեդալի համար գոտեմարտում Հայաստանի ներկայացուցիչ Սլավիկ Գալստյանը դարձավ առաջնության բրոնզե մեդալակիր` գերազանցելով վրացի Ռամազ Զոյիձեին:
Նախօրեին Եվրոպայի առաջնության չեմպիոն էր դարձել 77 կգ քաշային Մալխաս Ամոյանը, իսկ 55 կգ քաշային կարգում Ռուդիկ Մկրտչյանը դարձել էր բրոնզե մեդալակիր: