ՄԱԿ-ի Մարդու իրավունքների գերագույն հանձնակատարի վարչության տվյալներով՝ Ուկրաինայում փետրվարի 24-ից՝ Ռուսաստանի ռազմական գործողությունների սկզբից ի վեր զոհվել է ավելի քան 1417 քաղաքացիական անձ, եւ 2038-ը՝ վիրավորվել:
«Փետրվարի 24-ի առավոտյան 04:00-ից մինչեւ ապրիլի 2-ի 24:00-ն (տեղական ժամանակով) ՄԱԿ-ի վարչությունն արձանագրել Է 3455 զոհ երկրի (Ուկրաինայի) քաղաքացիական բնակչության թվում. 1 417 սպանված եւ 2038 վիրավոր»,- նշված է հայտարարության մեջ։
Ուկրաինայի գլխավոր դատախազի գրասենյակի տվյալներով՝ ապրիլի 4-ի առավոտվա դրությամբ ռուսական ներխուժման հետեւանքով զոհվել է 161 երեխա, տարբեր աստիճանի մարմնական վնասվածքներ է ստացել 264-ը։
Հրետակոծություններից եւ գնդակոծություններից վնասվել է 869 ուսումնական հաստատություն, որից 83-ը ամբողջովին փլուզվել են։