ՉԺՀ ՊՆ-ից հայտնել են, որ Չինաստանի ժողովրդական ազատագրական բանակն ավելի քան 2000 բժիշկ է ուղարկել Շանհայ՝ հակահամաճարակային աշխատանքներին աջակցելու նպատակով։
Մարտի 28-ից ի վեր, երբ քաղաքում կորոնավիրուսի բռնկման դեպքերն օրեցօր ավելացան, Չինաստանի տարբեր նահանգներից ավելի քան 20 հազար բուժաշխատող է գործուղվել շուրջ 25 միլիոն բնակչություն ունեցող Շանհայ։
Շանհայ են ուղարկվել ցամաքային, ռազմածովային ուժերին ենթակա 7 բժշկական ստորաբաժանումների բժիշկներ։ Նրանք միացյալ նյութատեխնիկական ապահովման ուժերի հետ համատեղ կմասնակցեն ՊՇՌ թեստավորման աշխատանքներին եւ կօգնեն բուժելու վարակվածներին։
Ըստ Կառավարության` սահմանափակումներն անհրաժեշտ են զանգվածային թեստավորման երկու փուլ անցկացնելու եւ հիվանդության հետագա տարածումը կանխելու համար։
Նախորդ օրվա ընթացքում Շանհայում հայտնաբերվել է կորոնավիրուսով վարակման 425 դեպք։