ՌԴ ԱԽ քարտուղարի տեղակալ Միխայիլ Պոպովը «Կոմսոմոլսկայա պրավդա»-ին տված հարցազրույցում հայտնել է, որ անցած շաբաթ ԱՄՆ-ը ընդլայնեց Ռուսաստանից նավթի մատակարարումները 43%-ով՝ օրական մինչեւ 100 հազար բարել։
«ԱՄՆ-ը եվրոպացիներին ստիպել է հակառուսական պատժամիջոցներ սահմանել, միեւնույն ժամանակ ոչ միայն շարունակում են նավթ ներմուծել Ռուսաստանից, այլեւ նախորդ շաբաթվա ընթացքում ավելացրել են «սեւ ոսկու» մատակարարումների ծավալը 43%-ով` հասցնելով օրական մինչեւ 100 հազար բարելի»,- ասել է Պոպովը։
Բացի դրանից՝ նա նշել է, որ Վաշինգտոնը թույլ է տվել իր ընկերություններին Ռուսաստանից հանքային պարարտանյութեր ներմուծել` դրանք առաջին անհրաժեշտության ապրանք ճանաչելով։
Պոպովն ընդգծել է, որ եվրոպական երկրները ԱՄՆ-ից նման նաեւ այլ «անակնկալներ» կարող են սպասել, միեւնույն ժամանակ նման միջոցներ եվրոպացիներին Վաշինգտոնը ձեռնարկել դեռ թույլ չի տալիս։