Արցախի արտակարգ իրավիճակների պետական ծառայությունից հայտնել են, որ 2022-ի մարտի 28-ից ապրիլի 3-ն ընկած ժամանակահատվածում Արցախի Մարտունու եւ Ասկերանի շրջաններից հայտնաբերել ու վնասազերծել են հրթիռակասետային 11 ռումբ, 1 պայթուցիչ, 1 արկ եւ գնդիկաբեկորային 1 ավիառումբ:
Գերատեսչության տնօրեն գնդապետ Մեխակ Արզումանյանը մարտի 9-ին հայտնել էր, որ ծառայության համապատասխան ստորաբաժանումները 2021-ին ոչնչացրել են տարբեր տեսակի 20 հազար 854 միավոր զինամթերք` նախորդ տարվա 7174 միավորի դիմաց:
Չպայթած ռազմամթերքից մաքրվել եւ ականազերծվել է 221,5 հա տարածք: