ՀՀ ՊՆ-ից հայտնել են, որ Ադրբեջանի պաշտպանության նախարարության տարածած հաղորդագրությունը, թե ապրիլի 3-ի երեկոյան ՀՀ ԶՈՒ ստորաբաժանումները գնդակոծել են Հայաստանի Հանրապետության հյուսիսարեւելյան սահմանագոտում տեղակայված ադրբեջանական դիրքերը, չի համապատասխանում իրականությանը։
Հայկական կողմն ամենայն պատասխանատվությամբ հայտարարում է, որ Ադրբեջանի ԶՈՒ-ի ուղղությամբ կրակ չի բացել:
ՀՀ պաշտպանական գերատեսչությունից հայտնել են նաեւ, որ իրադրությունը հայ-ադրբեջանական սահմանին հարաբերականորեն կայուն է եւ գտնվում է ՀՀ զինված ուժերի լիարժեք վերահսկողության ներքո։