Ավստրիայի արտգործնախարար Ալեքսանդր Շալենբերգը տեղական OE24 հեռուստաընկերությանը տված հարցազրույցում դեմ է արտահայտվել Ռուսաստանից գազի մատակարարման էմբարգոյին։
«Մենք չպետք է սխալվենք ու անենք այնպես, կարծես ճանապարհը մեկն է: Պատժամիջոցները խստացնելու այլ ուղիներ ունենք, եւ դրանք օգտագործում ենք»,- ասել է Շալենբերգը:
Ավելի վաղ Ավստրիայի էներգետիկայի նախարար Լեոնորե Գեվեսլերը հայտնել էր, որ Ավստրիան բավական կախվածություն ունի ռուսական գազից, բայց կփորձի այդ կախվածությունը կրճատել: