Փախստականների «Մարտիկներ հանուն ազատ Հյուսիսային Կորեայի» միավորումը հերթական անգամ Հյուսիսային Կորեայի (ԿԺԴՀ) տարածք է արձակել ղեղորայքով եւ պաշտպանական դիմակներով օդապարիկներ՝ որպես օգնություն կորոնավիրուսի դեմ պայքարի գործում:
Նախորդ երկու ակցիաներն անցկացվել են հունիսի 5-ին եւ 28-ին: Այս անգամ ակտիվիստները 20 օդապարիկներով ուղարկել են 70 հազար հաբ ցավազրկող միջոց, 20 հազար դիմակ եւ 30 հազար հաբ վիտամին C:
Հարավային Կորեայի ակտիվիստները նաեւ ընդգծել են, որ ԿԺԴՀ-ում կորոնավիրուսը տարածվել է ոչ թե «Մարտիկներ հանուն ազատ Հյուսիային Կորեայի» միավորման թռուցիկների եւ ծանրոցների, այլ ապրիլին Հյուսիսային Կորեայում անցկացված շքերթի պատճառով:
Ավելի վաղ Հյուսիսային Կորեայի իշխանությունները հրապարակել էին հետաքննության արդյունքները: Ըստ հետաքննության՝ ԿԺԴՀ-ում կորոնավիրուսի բռնկումը տեղի է ունեցել Կոնվոնդոյի նահանգում Հարավային Կորեայի հետ սահմանին «օտար» օբյեկտների հետ ժողովրդական հանրապետության զինվորի եւ երեխայի շփումից հետո: