ՀՀ պաշտպանության նախարարությունից հերքել են ադրբեջանական կողմի տարածած լուրը, ըստ որի` ՀՀ ԶՈՒ ստորաբաժանումները նախորդ մի քանի օրերին գնդակոծել են հայ-ադրբեջանական սահմանի մի քանի ուղղությամբ տեղակայված ադրբեջանական դիրքերը։
ՀՀ պաշտպանության նախարարությունը ադրբեջանական կողմի տարածած հաղորդագրությունն «ապատեղեկատվություն» է որակել։
Իրադրությունը հայ-ադրբեջանական սահմանին հարաբերականորեն կայուն է եւ ՀՀ ԶՈՒ-ի լիարժեք վերահսկողության տակ:
Ավելի վաղ ՌԴ ՊՆ-ն հաստատել էր օգոստոսի 6-ի երեկոյան հայ-ադրբեջանական սահմանի արեւելյան հատվածում Գեղարքունիքի մարզի Սոթք գյուղի մոտ տեղակայված մարտական դիրքում ադրբեջանական կողմի կրակոցից հրազենից վիրավորված պարտադիր ժամկետային զինծառայող, շարքային Նվեր Արմենի Գեւորգյանի մասին տեղեկությունը։
