Թուրքիայի արտգործնախարար Մեւլութ Չավուշօղլուն Անկարայում դեսպանների 13-րդ համաժողովում Հայաստանին կոչ է արել «հրաժարվելու Ադրբեջանի դեմ նոր սադրանքներին մասնակցելուց»: Չավուշօղլուն ասել է, որ պատերազմի ավարտից հետո Թուրքիան տարածաշրջանում խաղաղություն ապահովելու ջանքեր է գործադրում:
«Հիմա մենք խոսում ենք ոչ թե Ադրբեջանի գրավյալ տարածքների, տեղահանվածների, փախստականների եւ կոնֆլիկտի մասին, որը կարող է վերսկսվել ցանկացած պահի, այլ տարածաշրջանային խաղաղության եւ համագործակցության մասին»,- ընդգծել է Թուրքիայի արտգործնախարարը: