Հայաստանի պաշտպանության նախարարության մամուլի խոսնակ Արամ Թորոսյանը հայտնել է, որ Արցախում շփման գծում լարվածության հետեւանքով վիրավորված 19 զինվորներից 2-ը դուրս են գրվել հիվանդանոցից։ Նա հավելել է, որ մյուս զինծառայողները շարունակում են բուժումը բժշկական հաստատություններում:
Ըստ Թորոսյանի՝ 10 վիրավոր բուժումը ստանում է Երեւանում, նրանց թվում՝ ծայրահեղ ծանր վիճակում գտնվող զինծառայողը։ Նրա վիճակում նկատվում է դրական տեղաշարժ:
«Մյուս 9 զինծառայողներից մեկի վիճակը գնահատվում է ծանր, 3-ինը՝ միջին ծանրության, մյուսներինը գնահատվում է թեթեւ, ապաքինվում են»,- նշել է ՀՀ ՊՆ մամուլի խոսնակը։