Հուլիսին ՀՀ «Սեյսմիկ պաշտպանության տարածքային ծառայություն» ՊՈԱԿ-ը գրանցել է 148 երկրաշարժ, որից ամենաուժեղը` 4․4 մագնիտուդով, եղել է հուլիսի 11-ին Վրաստան-Հայաստան սահմանային գոտում՝ Բավրա գյուղից 14 կմ արեւելք:
ՀՀ արտակարգ իրավիճակների նախարար Արմեն Փամբուխչյանը հայտնել է, որ ամենաուժեղ երկրաշարժը զգացվել է Շիրակի, Լոռու մարզերում 5 բալ, Տավուշի, Արագածոտնի մարզերում 4 բալ, ինչպես նաեւ Երեւան քաղաքում 2-3 բալ ուժգնությամբ։
1353 արտակարգ դեպք
Բացի դրանից, ըստ նախարարի, հուլիսին Ճգնաժամային կառավարման ազգային կենտրոնի 911 ահազանգման կենտրոնը սպասարկել է 57110 զանգ, որից 1353-ը՝ արտակարգ դեպք եւ պատահար: Արտակարգ դեպքերի, պատահարների հետեւանքով մահացել է 30, տուժել՝ 4106 մարդ: