Ըստ պաշտոնական վիճակագրության` 2022-ի առաջին վեց ամսում Հայաստան է ժամանել 588 հազար 731 զբոսաշրջիկ, ինչը գրեթե 50%-ով գերազանցել է 2021-ի նույն ցուցանիշը (243 հազար 76 մարդ)։
Հայաստան այցելողների մեջ թվով առաջատարը Ռուսաստանն է։ 2022-ի հունվար-հունիսին Հայաստան ժամանածների 42,6%-ը (251 հազար 35 մարդ) ՌԴ քաղաքացիներ են։ Վրաստանից Հայաստան է ժամանել 62 հազար 874, Իրանից` 48 հազար 122, ԱՄՆ-ից՝ 13 հազար 17, Գերմանիայից` 8554 մարդ։
6-րդ տեղում Ֆրանսիան է, որտեղից այս տարի Հայաստան է ժամանել 7687 մարդ։ 7-րդ եւ 8-րդ տեղերում համապատասխանաբար Ուկրաինան ու Բելառուսն են` 7663 եւ 7553 այցելուներով։ Հնդկաստանը 9-րդ տեղում է (6047 այցելու)։ Առաջին տասնյակը եզրափակում է Ղազախստանը (5069 այցելու)։
Հայաստան ժամանած զբոսաշրջիկների մեծ մասը` 303 հազար 438-ը, 36-63 տարեկան, 150 հազար 727–ը` 26-35 տարեկան, 51 հազար 115-ը` 18-25 տարեկան, 44 236-ը մինչեւ 15 տարեկան են։ 34 հազար 512 զբոսաշրջիկներ 64 եւ ավելի բարձր տարիքի են։ Ամենաքիչը՝ 4703 զբոսաշրջիկ, 16-17 տարեկաններն են։
Հայաստան ժամանած 588 հազար 731 զբոսաշրջիկներից 301 հազար 659-ը տղամարդիկ են։