Տասնյակ կիլոմետրեր աղտոտված են նավթամթերքով

Ըստ իրանական Tasnim գործակալության՝ Իրանի տարածաշրջանի նավահանգիստների եւ նավագնացության հարցերով տնօրեն Մոհամմադ Շաքիբի Նեսաբը հայտարարել է, որ Իրանի հարավում՝ Կանգան շրջանում, Պարսից ծոցի առափնյա մի քանի տասնյակ կիլոմետրն աղտոտված է նավթամթերքով։

«Կանգանի առափնյա հատվածի աղտոտման դեմ պայքարի խումբ է ձեւավորվել, եւ նախնական հետաքննության ընթացքում այդ աղտոտման հավանական աղբյուր է համարվել հում նավթի տեղափոխումը տանկերների միջեւ»,- նշել է Նեսաբը:

Պաշտոնյան չի բացառել նաեւ, որ Իրանի հարավում տասնյակ կիլոմետր առափնյա հատվածի աղտոտման աղբյուր կարող են լինել Պարսից ծոցի նավթահորերը: