Ֆուտբոլի աշխարհի առաջնության մրցումային չորրորդ օրվա առաջին խաղում նախորդ մրցաշարի փոխչեմպիոն Խորվաթիայի հավաքականը հանդիպեց Մարոկկոյի ընտրանու հետ:
Երկու թիմերը մեծ ջանքեր թափեցին մրցաշարը հաղթանակով սկսելու համար, սակայն դրանք ապարդյուն անցան: Միմյանց դարպասներից հասցրած 7-ական հարվածներն այդպես էլ արդյունք չտվեցին: Աշխարհի առաջնության արդեն թվով երրրոդ խաղի արդյունքում գրանցվեց գոլազուրկ ոչ-ոքի:
Այս թիմերի հետ նույն խմբում հանդես են գալիս նաեւ Բելգիայի եւ Կանադայի հավաքականները, որոնք կհանդիպեն նոյեմբերի 23-ի գիշերը:
Նախօրեին միմյանց դարպասներին գոլ չէին խփել նաեւ Դանիայի եւ Թունիսի հավաքականները, ինչպես նաեւ Մեքսիկայի եւ Լեհաստանի հավաքականները: