Ֆուտբոլի աշխարհի առաջնությունում տեղի կունենան խմբային փուլի առաջին տուրի վերջին հանդիպումները: Պայքարի մեջ կմտնեն G, H խմբերի թիմերը:
Երեւանի ժամանակով 14:00-ին տեղի կունենա Շվեյցարիա-Կամերուն խաղը, 17:00-ին` Ուրուգվայ-Հարավային Կորեա հանդիպումը, 20:00 կմրցեն Պորտուգալիայի եւ Գանայի ընտրանիները: Իսկ օրվա վերջին խաղում միմյանց հետ ուժերը կչափեն Բրազիլիայի եւ Սերբիայի ընտրանիները:
Նոյեմբերի 23-ին անցկացված խաղերում Մարոկկո-Խորվաթիա խաղում դարպասի գրավում չարձանագրվեց, Ճապոնիան սենսացիոն հաղթանակ տոնեց Գերմանիայի նկատմամբ 2-1 հաշվով, Իսպանիան ոչ ֆուտբոլային հաշվով (7:0) հաղթեց Կոստա Ռիկային, իսկ Բելգիան նվազագույն հաշվով առավելության հասավ Կանադայի նկատմամբ: