«Մանկական Եվրատեսիլ-2022» երգի միջազգային 20-րդ մրցույթի բացման եւ Հանրապետության հրապարակի տոնածառի լույսերը վառելու արարողության մասնակիցների անվտանգությունն ապահովելու նպատակով դեկտեմբերի 5-ին՝ 16:00-ից, փակ են լինելու Հանրապետության հրապարակ մուտք գործող փողոցները։
Մասնավորապես փակ կլինի Տիգրան Մեծի պողոտան՝ Տիգրան Մեծի պողոտա-Խանջյան փողոց խաչմերուկից, Նալբանդյան փողոցը՝ Սախարովի հրապարակից, Աբովյան փողոցը՝ Աբովյան-Պուշկինի փողոցների խաչմերուկից, Ամիրյան փողոցը՝ Ամիրյան-Զաքյան փողոցների խաչմերուկից, Վազգեն Սարգսյան փողոցը՝ Շահումյանի հրապարակից։
Դեկտեմբերի 10-ին եւ 11-ին՝ «Մանկական Եվրատեսիլ-2022» երգի միջազգային 20-րդ մրցույթի օրերին, 12:00-ից սկսած, ժամանակ առ ժամանակ փակ են լինելու Աթենքի փողոցն ու Ծիծեռնակաբերդի խճուղին։