«Մանկական եվրատեսիլ-2022» երգի միջազգային 20-րդ մրցույթի բացման եւ Հանրապետության հրապարակի տոնածառի լույսերը վառելու արարողության մասնակիցների անվտանգությունն ապահովելու նպատակով դեկտեմբերի 5-ին 15։00-ից հետո փակ են լինելու Հանրապետության հրապարակ մուտք գործող փողոցները:
Մասնավորապես փակ են լինելու Տիգրան Մեծի պողոտան՝ Տիգրան Մեծի պողոտա-Խանջյան փողոց խաչմերուկից, Նալբանդյան փողոցը՝ Սախարովի հրապարակից, Աբովյան փողոցը՝ Աբովյան-Պուշկինի փողոցների խաչմերուկից, Ամիրյան փողոցը՝ Ամիրյան-Զաքյան փողոցների խաչմերուկից եւ Վազգեն Սարգսյան փողոցը՝ Շահումյանի հրապարակից։