Ադրբեջանական լրատվամիջոցները հայտնել են, որ Ադրբեջանի նախագահ Իլհամ Ալիեւը դեկտեմբերի 5-ին ընդունել է ՌԴ նախագահ Վլադիմիր Պուտինի օգնական Իգոր Լեւիտինին։
Քննարկվել են երկկողմ եւ տարածաշրջանային քաղաքական, տնտեսական, ինչպես նաեւ տրանսպորտային տարանցմանն առնչվող հարցեր:
Ադրբեջանի արտգործնախարար Ջեյհուն Բայրամովը դեկտեմբերի 5-ին աշխատանքային այցով մեկնել է Մոսկվա: Բայրամովն այցի շրջանակում հանդիպում կունենա ՌԴ արտգործնախարար Սերգեյ Լավրովի հետ:
ՌԴ ԱԳՆ-ից հայտնել են, որ արտգործնախարարների հանդիպմանը նախատեսվում է քննարկել երկկողմ համագործակցության վիճակն ու հեռանկարները, մտքեր փոխանակել տարածաշրջանային եւ միջազգային օրակարգի ակտուալ ասպեկտների, այդ թվում՝ Հայաստան-Ադրբեջան հարաբերությունների կարգավորման շուրջ։