Ըստ Շվեյցարիայում ՀՀ դեսպանության եւ Ժնեւում ՄԱԿ–ի մասնաճյուղում ՀՀ մշտական ներկայացուցչության հաղորդագրության՝ ՄԱԿ-ի հատուկ ընթացակարգերի 5 մանդատակիր հայտարարություն է տարածել, ըստ որի՝ Ադրբեջանի կառավարությանը կոչ են անում անհապաղ վերականգնելwu Լաչինի միջանցքով անխոչընդոտ երթեւեկությունը եւ անվտանգ տեղաշարժը։ ՄԱԿ-ի փորձագետները լրջորեն մտահոգված են Լաչինի միջանցքի շրջափակմամբ եւ շեշտում են, որ ստեղծված իրավիճակը կարող է հանգեցնել բնակչության համար մարդասիրական ծանր հետեւանքների։
Ադրբեջանի իշխանություններին կոչը հղել են ՄԱԿ-ի հաշմանդամություն ունեցող անձանց իրավունքների, սննդի իրավունքի, ինչպես նաեւ կրթության իրավունքի, ֆիզիկական եւ հոգեկան առողջության ամենաբարձր հասանելի մակարդակի յուրաքանչյուր մարդու իրավունքի հատուկ զեկուցողները եւ տարեցների մարդու բոլոր իրավունքների իրականացման անկախ փորձագետը: