Եվրոպայի խորհրդում Հայաստանի մշտական ներկայացուցիչ Արման Խաչատրյանը հայտնել է, որ հուլիսի 7-ին Եվրոպայի խորհրդի բարձր մակարդակի պատվիրակությունն այցելել է արդեն 7 ամիս արգելափակված Լաչինի միջանցքի սկզբնամաս: Խաչատրյանը նշել է, որ այցը հնարավորություն էր տեղում ավելի լավ հասկանալու իրավիճակը՝ մարդու իրավունքներին առնչվող իրավիճակն եւ մարդասիրական լուրջ հետեւանքները Լեռնային Ղարաբաղի ժողովրդի համար:
«Չի կարելի հերքել, որ Ադրբեջանը փակել է Լեռնային Ղարաբաղը Հայաստանին կապող կյանքի միակ ճանապարհը։ Ադրբեջանը պետք է ապահովի ազատ եւ անվտանգ տեղաշարժը Լաչինի միջանցքով՝ կատարելով նաեւ Միջազգային դատարանի եւ ՄԻԵԴ վճիռները ու ԵԽԽՎ-ի վերջերս ընդունված նոր բանաձեւը»,-թվիթերյան իր գրառման մեջ նշել է ԵԽ-ում ՀՀ մշտական ներկայացուցիչը։