Սամվել Շահրամանյանը` Արցախի հինգերորդ նախագահ

Արցախի Հանրապետության Ազգային ժողովի արտահերթ նիստում Արցախի նախագահ է ընտրվել Անվտանգության խորհրդի նախկին քարտուղար Սամվել Շահրամանյանը։

Փակ գաղտնի քվեարկությամբ նրա թեկնածությանը կողմ է քվեարկել 22 պատգամավոր, դեմ՝ 1-ը։

Նախօրեին «Միասնական հայրենիք» խմբակցության առաջադրած թեկնածուին՝ Սամվել Բաբայանին հանրապետության նախագահի թեկնածու առաջադրելու դիմումը եւ դրան կից ներկայացված փաստաթղթերը վերադարձվել էին՝ վերջին տասը տարում միայն Արցախի Հանրապետության քաղաքացի հանդիսանալու եւ վերջին տասը տարում Արցախի Հանրապետությունում մշտապես բնակվելու մասին տեղեկանքը չներկայացնելու պատճառով: