«Դարիալի» սահմանային անցակետը շարունակում է աշխատել սովորական ռեժիմով, հայտնում է Վրաստանի ՆԳՆ-ն։
Պաշտոնական հաղորդագրության մեջ նշվում է, որ գերատեսչությունը, հիմնվելով Շրջակա միջավայրի պահպանության ազգային գործակալության առաջարկության վրա, հաշվի է առել Դեւդորակի կիրճում տիրող իրավիճակը եւ վերացրել է տրանսպորտային միջոցների տեղաշարժի սահմանափակումը։Այսօր ավելի վաղ Վրաստանի շրջակա միջավայրի ազգային գործակալությունը հայտնել էր, որ կիրճում վտանգի մակարդակը նվազագույն է, ջրի մակարդակը վերադարձել է իր սկզբնական մակարդակին, ջրհեղեղներ եւ սողանքներ այլեւս չեն գրանցվում։
Վարչությունը համապատասխան մարմիններին խորհուրդ է տվել բացել ճանապարհը։ Մասնագետները դեռ տեղում են՝ վերահսկում են իրավիճակը։
Հիշեցնենք, որ այսօր ՌԴ եւ Վրաստանի ներքին գործեր նախարարությունները հայտնել էին Վերին Լարսով բոլոր տեսակի տրանսպորտային միջոցների երթեւեկության սահմանափակման մասին՝ նշելով, որ պատճառեը Թերեք գետի մակարդակի բարձրացումն է։