Ըստ ամերիկյան NBC News գործակալության՝ Նյու Յորքի ոստիկանության ու Զբոսայգիների եւ հանգստի վարչության տվյալներով՝ օգոստոսի 7-ին` տեղի ժամանակով 17:49-ին, շնաձուկը կծել է 50-ամյա կնոջ ոտքը Ռոքուեյ Բիչ լողափին։ Շնաձկան հարձակումից տուժած կնոջը ծայրահեղ ծանր վիճակում տեղափոխել են հիվանդանոց։
Լողափի գոտում շնաձկների հայտնվելու պատճառով Ռոքուեյ Բիչն այցելուների համար փակվել է դեռեւս 2022-ին։ Նրանց ակտիվությունը պայմանավորված է եղել շոգ եղանակի պատճառով ջրի ջերմաստիճանի բարձրացմամբ, ինչպես նաեւ կորոնավիրուսային համավարակի պատճառով երկամյա ընդմիջումից հետո լողափեր մարդկանց վերադարձով:
Նյու Յորքի ոստիկանությունը հանգստացողներին ստիպել է լքել լողափը։ Կնոջ վրա հարձակված շնաձկանը որոնել են ուղղաթիռով, սակայն որոնումներն արդյունք չեն տվել։ «Չնայած այս ահազդու միջադեպին` ցանկանում ենք Նյու Յորքի բնակիչներին հիշեցնել, որ Ռոքուեյում շնաձկների հարձակումները չափազանց հազվադեպ երեւույթ են»,- ասված է Զբոսայգիների եւ հանգստի վարչության հայտարարության մեջ: