Եվրահանձնաժողովի նախագահ Ուրսուլա ֆոն դեր Լայենը Եվրախորհրդարանում հայտարարել է, որ ԵՄ-ն պետք է արտակարգ իրավիճակների պլաններ մշակի՝ պատրաստվելու ուկրաինական պատերազմի ֆոնին ռուսական գազի մատակարարումների ամբողջական դադարեցմանը:
ԵՄ-ն արդեն պատժամիջոցներ է սահմանել Ռուսաստանի դեմ՝ ներառյալ էներգակիրների որոշ մատակարարումներ: Այնուամենայնիվ, ըստ ԵՄ գործադիր մարմնի ղեկավարի՝ դաշինքը պետք է պատրաստվի ռուսական կողմի ցնցումներին:
Ֆոն դեր Լայենը հավելել է, որ ԵՄ անդամ մոտ տասը երկրներ արդեն իսկ տուժել են գազի մատակարարումների կրճատումից կամ ամբողջական դադարեցումից։