ՀՀ շրջակա միջավայրի նախարարությունից հայտնել են, որ սիգի ձվադրման ժամանակահատվածով պայմանավորված՝ հսկողության ուժեղացված միջոցառումներ կանցկացվեն Սեւանա լճում եւ Հայաստանի ամբողջ տարածքում։
Սեւանա լճում սիգի ձվադրման ժամանակահատվածում համատեղ միջոցառումները մեկնարկել են 2022-ի դեկտեմբերի 1-ից, դրանք կտեւեն մինչեւ 2023-ի հունվարի 20-ը ներառյալ: Սեւանա լճում խիստ արգելք կկիրառվի դեկտեմբերի 15-ից հունվարի 20-ը:
2022-ի համար սիգի արդյունագործական որսի ընդհանուր չափաքանակ էր սահմանվել 600 տոննան, որից որսվել է 554,86 տոննա (548 հազար 604 կգ) սիգ: