Ըստ The Wall Street Journal պարբերականի՝ ԱՄՆ օլիմպիական կոմիտեի (USOPC) ղեկավար Սյուզաննա Լայոնսը հայտարարել է, որ USOPC-ը հանդես է գալիս 2024-ին Փարիզում անցկացվելիք օլիմպիական խաղերին ռուսաստանցիների մասնակցության օգտին։ Լայոնսը նշել է, որ դա գուցե տհաճ է գիտակցել, բայց ռուսաստանցիների մասնակցությունը թույլ չտալը ԱՄՆ-ին հետ է շպրտում, եւ նրանց վերադարձն իսկապես կարեւոր է օլիմպիական շարժման համար։ Միաժամանակ նա նշել է, որ Ռուսաստանի եւ Բելառուսի նկատմամբ պետք է պատժամիջոցները պետք է ուժի մեջ մնան, որոնք ներառում են մարզիկների ելույթներն առանց ազգային դրոշի եւ օրհներգի:
Ընդսմին, ռուսաստանցիների մասնակցությունը թույլատրելու դեպքում անգամ մնում է այն սպառնալիքը, որ որոշ երկրներ իրենց նախաձեռնությամբ կարգելեն նրանց մասնակցել իրենց տարածքում ընթացող մրցաշարերին։ «Դա оլիմպիական խարտիայի լուրջ խախտում է։ Չենք ցանկանում, որ առանձին երկրներ քաղաքական դրդապատճառներով որոշեն, թե ում հետ իրենք կամ իրենց մարզիկները պետք է շփվեն կամ չպետք է շփվեն»,- ընդգծել է ԱՄՆ օլիմպիական կոմիտեի նախագահը։
Փետրվարի վերջից ԱՄՆ-ը ակտիվորեն հանդես էր գալիս ռուսաստանցիներին մրցումներից հեռացնելու օգտին։ Միջազգային օլիմպիական Կոմիտեն իր հերթին, որպես պաշտպանական միջոցառում, միջազգային մարզական ֆեդերացիաներին խորհուրդ էր տվել ռուս եւ բելառուս մարզիկներին թույլ չտալ մասնակցել մրցումներին: