ՀՀ վիճակագրական կոմիտեն հուլիսի 7-ին հրապարակել է 2023-ի առաջին հինգ ամիսների Հայաստանի ժողովրդագրական հիմնական ցուցանիշները։
Ըստ այդմ՝ 2023–ի հունվար–մայիսին Հայաստանում ծնվել է 14 հազար 227, մահացել՝ 10 հազար 699 մարդ։ ՀՀ վիճակագրական կոմիտեն հայ հասարակության կենսունակության գործակիցը գնահատել է 133 %։ 2023-ի առաջին հինգ ամսիներին Հայաստանի Հանրապետությունում ամուսնացել է 6469 զույգ, ամուսնալուծվել՝ 1793–ը։
Ըստ ՀՀ սահմանային անցակետերով արված գրանցումների` 1 միլիոն 629 հազար 733 մարդ մուտք է գործել Հայաստան, 1 միլիոն 642 հազար 96–ը` դուրս եկել Հայաստանից։