ՀՀ էկոնոմիկայի նախարարության մամուլի ծառայությունից հայտնել են, որ ՀՀ էկոնոմիկայի փոխնախարար Արմեն Արզումանյանն ընդունել է Իսրայելի ԱԳՆ եվրասիական եւ արեւմտյան Բալկանների հարցերով գլխավոր տնօրենի տեղակալ Սիմոնա Հալպերիի գլխավորած պատվիրակությանը:
Հայաստանն ու Իսրայելը քննարկել են երկու երկրների միջեւ ուղիղ չվերթերի իրականացման համար խոչընդոտների վերացման հարցը:
Հանդիպման ընթացքում քննարկվել են երկու երկրների միջեւ երկկողմ տնտեսական համագործակցության զարգացման, մասնավորապես՝ առեւտրատնտեսական կապերի ընդլայնման հեռանկարները, ինչպես նաեւ զբոսաշրջության ոլորտում համագործակցության հնարավորությունները։
Պայմանավորվածություն է ձեռք բերվել հայ եւ իսրայելական գործարար շրջանակների փոխայցելությունների միջոցով ծանոթանալ տարբեր ոլորտներում համագործակցության հնարավոր հեռանկարներին։