ՀՀ գլխավոր դատախազության մամուլի ծառայությունից հայտնել են, որ Ազգային անվտանգության քննչական դեպարտամենտում «Հայկական ատոմային էլեկտրական կայան» ՓԲԸ-ի գլխավոր տնօրենի պաշտոնը զբաղեցրած Գագիկ Մարկոսյանին մեղադրանք է ներկայացվել՝ 2002-2014 թվականներին իրեն վստահված գույքը հափշտակելու համար։ «Գ.Մ.-ն իրեն վստահված միջոցներից վատնման եղականով հափշտակել է առանձապես խոշոր չափերի՝ 1 միլիոն 27 հազար 470,9 ԱՄՆ դոլար (383 միլիոն 883 հազար 678 դրամ)»,–ասված է հաղորդագրության մեջ:
Ոչ ամբողջական լրակազմով 14 հատ միջանկյալ մետաղաձողերը չեն շահագործվել՝ սպառելով պիտանելիության ժամկետները
Ազգային անվտանգության ծառայության քննչական դեպարտամենտում ձեռք են բերվել բավարար փաստեր այն մասին, որ համապատասխան արտադրամասը գնման հայտ չի ներկայացրել։ Բացի դրանից, Մարկոսյանը չի փորձել գնային առաջարկներ ստանալ ռեակտորի միջանկյալ մետաղաձողերի արտադրությամբ կամ վաճառքով զբաղվող ընկերություններից։ Նա 2011-ին մրցույթի միակ մասնակից ՌԴ «ՆովէներգոՊրոմ» ՓԲ ընկերությունից շուկայականից անհամեմատ թանկ՝ 33 միլիոն 544 հազար 438,20 ռուբլի արժեքով ձեռք է բերել ոչ ամբողջական լրակազմով 14 հատ միջանկյալ մետաղաձողեր: Դրանք, սակայն, չեն շահագործվել եւ տեւական ժամանակ պահվել են կենտրոնական պահեստում՝ սպառելով շահագործման համար նախատեսված պիտանելիության ժամկետները:
283 միլիոն դրամով ձեռք է բերվել 37 հատ միջանկյալ մետաղաձողերի ամբողջական լրակազմ
2015-ին «Հայկական ատոմային էլեկտրական կայան» ՓԲԸ-ն հարկադրված է եղել «Ռուսատոմ Սերվիս» բաժնետիրական ընկերությունից 592 հազար ԱՄՆ դոլարով (283 միլիոն 5 հազար 600 դրամ) ձեռք է բերել մեկ ամբողջական լրակազմ՝ 37 հատ միջանկյալ մետաղաձողեր: 2022-ի դեկտեմբերի 22-ին դատախազի նախաձեռնությամբ որոշում է ընդունվել հանրային քրեական հետապնդում հարուցել Գագիկ Մարկոսյանի նկատմամբ՝ ՀՀ քրեական օրենսգրքի 256-րդ հոդվածի 3-րդ մասի 3-րդ կետով (վստահված գույքը հափշտակելը, որը կատարվել է առանձնապես խոշոր չափերով): Նույն օրը որոշումն ուղարկվել է Ազգային անվտանգության քննչական դեպարտամենտ՝ մեղադրանք ներկայացնելու համար:
2023-ի հունվարի 31-ին Գագիկ Մարկոսյանին մեղադրանք է ներկայացվել: