ՌԴ արտգործնախարար Սերգեյ Լավրովը Դմիտրի Կիսելյովին տված հարցազրույցում հայտարարել է, որ Հայաստանի եւ Ադրբեջանի սահմանին Հավաքական անվտանգության պայմանագրի կազմակերպության (ՀԱՊԿ) առաքելություն տեղակայելու առաջարկը մնում է արդիական: Այն կարող է տեղակայվել, եթե Երեւանը շահագրգռված լինի դրանում։ Լավրովը շատ կարեւոր ձեռքբերում է որակել այն փաստը, որ ՀԱՊԿ-ն այս դժվարին իրավիճակում Հայաստանի եւ Ադրբեջանի սահմանին խաղաղապահ գործողության տեղակայման ծրագիր է մշակել։
«Այս առաջարկը դեռ սեղանին է։ Իսկ եթե մեր հայաստանյան դաշնակիցները, ընկերները նախկինի պես հետաքրքրված են դրանով, ապա այս առաքելությունը կարող է տեղակայվել ընդամենը մեկ-երկու օրվա ընթացքում»,-շեշտել է Լավրովը։