2023-ի մարտի 1-ից մինչեւ մայիսի 12-ը ՊՆ-ի առաջարկով՝ Կառավարության որոշմամբ ՀՀ ԶՈՒ-ում կանցկացվեն պահեստազորայինների վարժական հավաքներ։ Վարժական հավաքներին կմասնակցեն պահեստազորի առաջին խմբում հաշվառված շարքային, ենթասպայական եւ սպայական կազմերի պահեստազորայիններ։
Նախատեսվում է վարժական հավաքներին ներգրավել մինչեւ 3281 քաղաքացու, որոնցից 2897-ը` շարքային եւ կրտսեր ենթասպայական կազմերի, 152-ը` ավագ ենթասպայական կազմի, 232-ը` սպայական կազմի պահեստազորայիններ` համազորային եւ հրթիռահրետանային մասնագիտություններով։ Հայտարարված վարժական հավաքների ընթացքում յուրաքանչյուր քաղաքացի ներգրավվում է ոչ ավելի, քան 25 օրով։
Ռազմատրանսպորտային պարտականություններ ունեցող մարմիններից նախատեսվում է ներգրավել մինչեւ 306 միավոր տրանսպորտային միջոց՝ յուրաքանչյուր տրանսպորտային միջոցի ներգրավումը ոչ ավելի, քան 7 օրով։